უკრაინა ღიაა ნეიტრალიტეტის სტატუსისთვის, თუმცა ითხოვს მკაფიო გარანტიებს უსაფრთხოების შესახებ, - ამის შესახებ უკრაინის პრეზიდენტის ოფისის ხელმძღვანელის მოადგილემ, იგორ ჟოვკოვმა CNN-თან ინტერვიუში განაცხადა.

მისი თქმით, პრეზიდენტი ვოლოდიმირ ზელენსკი მზადაა პირისპირ ესაუბროს რუსეთის პრეზიდენტს, ვლადიმერ პუტინს, თუმცა მოლაპარაკებების დროს რუსეთის პოზიციის არც ერთ კომპრომისზე არ წავა.

მანვე დასძინა, რომ უკრაინა არც თუ ისე ოპტიმისტურად იყო განწყობილი უკრაინისა და რუსეთის საგარეო საქმეთა მინისტრების შეხვედრის მიმართ, რომელიც გუშინ გაიმართა, ანტაიაში და მოლაპარაკებებს რაიმე გარღვევა არ მოჰყოლია.

„ეს ძალიან კარგია, რომ ისინი შეხვდნენ ერთმანეთს, თუმცა, სამწუხაროდ, შეგვიძლია ვთქვათ, რომ რუსეთის საგარეო საქმეთა მინისტრი არ არის ის, ვინც იღებს საბოლოო გადაწყვეტილებას. საბოლოო გადაწყვეტილება ომის შეჩერებაზე, ცეცხლის შეწყვეტასა და ჯარების გაყვანაზე ერთი ადამიანის [ვლადიმერ პუტინის] მიერ მიიღება“, - დასძინა მან.

პრეზიდენტის ოფისის წარმომადგენელმა აღნიშნა, რომ მიუხედავად იმისა, რომ ვოლოდიმირ ზელენსკი მზადაა დიპლომატიური გადაწყვეტილებისთვის, პირადად ვლადიმერ პუტინისგან ან მისი მრჩეველებისგან მსგავსი მზაობა არ მოუსმენია.

„ბოლოს, რაც მე მათგან მოვისმინე არის ის, რომ ჩვენ უნდა გავაგრძელოთ მუშაობა ორი დელეგაციის ფორმატში, თუმცა, შეხედეთ, მიღწეული შეთანხმებებიც კი მოლაპარაკებების დროს არ სრულდება“, - აღნიშნა მან „ჰუმანიტარულ კორიდორზე“  საუბრისას.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს