ჩერნიგოვის რაიონში, რუსეთის საოკუპაციო ძალებმა ქალაქი ნიჟინი დაბომბეს. ამის შესახებ ინფორმაციას აღნიშნული ქალაქის მერი, ალექსანდრე კოდოლა სოციალურ ქსელში ავრცელებს.

განცხადების მიხედვით, უკანასკნელი ცნობებით, თავდასხმას 2 პირი ემსხვერპლა და დაშავდა 8 ადამიანი.

„2022 წლის 10 მარტი, საღამო. ეშმაკურად მოქმედებენ, ოკუპანტები, არღვევენ საერთაშორისო ჰუმანიტარული სამართლის წესებს, ახორციელებენ მშვიდობიანი მოსახლეობის დაბომბვას დასახლებებში და მაგისტრალებზე. ასე რომ, ამ მომენტში უფრო უსაფრთხოა სახლში დარჩენა ან თავშესაფარი.

დღეს, 14:20 საათზე, რუსეთის ფედერაციის „ქარიშხლის“ მიერ დაბომბვა მოხდა. ვრცელდება ინფორმაცია 8 დაშავებულსა და 2 დაღუპულზე. აფეთქების შედეგად დაზიანდა 40 მეტრი თერპლოტრა, მიმდინარეობს სარემონტო სამუშაოები, დღის ბოლომდე გათბობა სახლებში უნდა აღდგეს.

ელექტროენერგიის გარეშე დარჩა 4 სახლი, სარემონტო სამუშაოები ხვალ განახლდება. მე-17 სკოლაში, 25-ე საბავშვო ბაღსა და მე-6 საოჯახო მედიცინის ამბულატორიაში, აფეთქების შედეგად მინები დაზიანდა, შესაბამისი სამსახურები საგანგებო სიტუაციის შედეგებს აცილებენ.
სოციალური სერვისები ჰუმანიტარულ დახმარებას უწევენ მოსახლეობის შესაბამის კატეგორიებს“, - აღნიშნა ნიჟინის მერმა, ალექსანდრე კოდოლამ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს