უკრაინის პრეზიდენტმა, ვოლოდიმირ ზელენსკიმ ბრიტანელ კანონმდებლებს გაწეული დახმარებისთვის მადლობა გადაუხადა და უკრაინის ცის ჩაკეტვა სთხოვა.

ვოლოდიმირ ზელენსკიმ დიდი ბრიტანეთის თემთა პალატას სიტყვით მიმართვის დროს განუცხადა, რომ უკრაინელები ახლა, თავიანთი მიწისათვის, იმ ომში იბრძვიან, რომელიც არც სურდათ და არც დაუწყიათ.

„მეგობრებო, ლორდებო და პარლამენტარებო, მოგმართავთ თქვენ და თითოეულ თქვენს მოქალაქეს. დიდებული ერის დიადი ისტორიით. მოგმართავთ თქვენ, როგორც უკრაინის მოქალაქე და პრეზიდენტი. დიდებული ქვეყნის შვილი. მინდა მიმდინარე 13 დღიანი ომის შესახებ მოგიყვეთ, რომელიც ჩვენ არ გვინდოდა და არ დაგვიწყია. ვიბრძვით იმიტომ რომ ჩვენი მიწის დაკარგვა არ გვინდა...

ჩვენი ცა ჯერ კიდევ ღიაა რუსული რაკეტებისთვის და ვერტმფრენებისთვის. თავისუფლება ჩვენთვის უძვირფასესია. არ დავნებდებით, ბოლომდე ვიბრძოლებთ როგორც ხმელეთსა და ზღვაზე, ასევე ცაშიც. დავიცავთ ჩვენს მიწას, რომელიც ფასდაუდებელია. ყველა ადგილზე ვიბრძოლებთ. არ აქვს მნიშვნელობა სად და როგორ, მთავარია რომ არ დავნებდებით.

გვჭირდება თქვენი, მსოფლიოს და ცივილიზებული სამყაროს დახმარება. მადლობელი ვარ დიდი ბრიტანეთის, განსაკუთრებით პრემიერ-მინისტრ, ბორის ჯონსონის. დაგვეხმარეთ და ცა ჩაკეტეთ. გააკეთეთ ყველაფერი, რაც კი შეგიძლიათ.

მადლობელი ვარ თქვენი და ბრიტანელი ერის. დიდება დიდებულ უკრაინას და დიდ ბრიტანეთს“, - აღნიშნა ვოლოდიმირ ზელენსკიმ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს