2022-03-02 11:07:17, 864 ნახვა
მსოფლიო
რუსმა ოკუპანტებმა ხარკოვის ცენტრი დაბომბეს - პოლიციისა და უნივერსიტეტის შენობებს ცეცხლი უკიდია
რუსმა ოკუპანტებმა 2 მარტს, დილით, ხარკოვის ცენტრი დაბომბეს, - ამის შესახებ ინფორმაციას უკრაინული მედია ავრცელებს.
მედიის ცნობით, რამდენიმე წუთის წინ ოკუპანტებმა მორიგი საჰაერო დარტყმა ქალაქის ცენტრში მდებარე პოლიციის სამმართველოზე განახორციელეს, ამასთანავე, ცეცხლი უკიდია უნივერსიტეტსაც.
სახლმწიფო საგანგებო სამსახურის ინფორმაციით, ხანძარი საცხოვრებელ სახლებსაც მოედო და არსებობს საფრთხე, რომ ის ფართოდ გავრცელდეს.
„ადგილზე მუშაობენ მაშველები, დაშავებულთა რაოდენობა ზუსტდება. მიმდინარეობს ინფორმაციის განახლება", - აცხადებენ უწყებაში.
ავტორი: ექსპრესნიუსი,
epn.ge (@expressnews.ge)
