2022-03-01 16:56:19, 519 ნახვა
მსოფლიო
ფინეთი უკრაინას ტანკსაწინააღმდეგო დანადგარებითა და შაშხანებით დაეხმარება
ფინეთი უკრაინას იარაღსა და საბრძოლო მასალას გაუგზავნის. აღნიშნულის შესახებ ორშაბათს, პრემიერ-მინისტრმა სანა მარინმა განაცხადა.
თავდაცვის მინისტრის, ანტი კაიკონენის თქმით, 2500 შაშხანით, 1500 ტანკსაწინააღმდეგო დანადგარით, 150 000 ვაზნითა და საკვების 70 000 პაკეტით დაეხმარება.
„ტანკსაწინააღმდეგო იარაღი შეიძლება გამოყენებულ იქნას ჯავშანტექნიკასთან საბრძოლველად“, - აღნიშნა ანტი კაიკონენმა ორშაბათს მთავრობის სხდომის შემდეგ გამართულ პრესკონფერენციაზე.
კვირას, სკანდინავიურმა სახელმწიფომ, ასევე გადაწყვიტა, რომ უკრაინას ჩაფხუტებით, ტყვიაგაუმტარი ჟილეტებითა და პირველადი სამედიცინო დახმარების აღჭურვილობით დაეხმარებოდა.
ავტორი: ექსპრესნიუსი,
epn.ge (@expressnews.ge)
