ევროკომისიის პრეზიდენტი ურსულა ვონ დერ ლეიენის განცხადებით, რუსეთის მხრიდან უკრაინაში შეჭრას უზარმაზარი ადამიანური დანაკარგი მოჰყვება.

მისივე თქმით, თუ რუსეთი ომს აირჩევს აღნიშნულ ქმედებას მკაცრი სანქციებიც მოჰყვება.

პოლიტიკოსის სიტყვით, ამის მიუხედავად, კრიზისიდან დიპლომატიური გამოსავლის მიღწევა ჯერ კიდევ შესაძლებელია.

„დიპლომატიას თავისი უკანასკნელი სიტყვები ჯერ არ უთქვამს.

ჩვენი მოწოდება რუსეთისთვის ნათელია - არ აირჩიოთ ომი. მაგრამ მოდი ვიყოთ ფხიზლად. თუ კრემლი ძალადობას აირჩევს უკრაინის წინააღმდეგ ჩვენი პასუხი იქნება ძლიერი და ერთიანი. ევროპული კომისია და EEAS მჭიდროდ მუშაობდნენ ყველა წევრ სახელმწიფოსთან, იმისთვის, რომ ძლიერი და ყოვლისმომცველი შესაძლო სანქციების პაკეტი შეემუშავებინათ.

რუსეთის სტრატეგიული ინტერესია მისი ცალმხრივი ეკონომიკის დივერსიფიცირება და არსებული ჩავარდნების დაფარვა. მაგრამ ამისთვის მათ სჭირდებათ ტექნოლოგია, რომელზეც გლობალური ლიდერობა ჩვენ გვაქვს. მაღალტექნოლოგიური კომპონენტები, რაშიც რუსეთი თითქმის სრულად ჩვენზეა დამოკიდებული. ამიტომ, ჩვენი სანქციები შესაძლოა ძალიან მძიმე იყოს და კრემლმა ეს იცის.

ერთ-ერთი მთავარი გაკვეთილი, რაც უკვე ამ კრიზისიდან ვისწავლეთ არის, რომ ჩვენ უნდა მოვახდინოთ ენერგიის წყაროს დივერსიფიცირება და უნდა გავთავისუფლდეთ რუსულ გაზზე დამოკიდებულებისგან“, - აღნიშნა ურსულა ვონ დერ ლეიენმა.

აღნიშნულის შესახებ CNN News იუწყება.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე