"ევროპელი სოციალისტების" დეპუტატი, ფრიდონ ინჯია უზენაესი სასამართლოს მოსამართლეობის კანდიდატს, გენადი მაკარაძეს კითხვით მიმართავს აპირებს თუ არა სამზე მეტი შვილის ყოლას. ამის შემდეგ დეპუტატმა იკითხა, რამდენად მიზანშეწონილად მიაჩნია მოსამართლეს ქორწინების ზღვრული ასაკის დაწევა.

ფრიდონ ინჯია: ბატონო გენადი, თქვენ სამი შვილი გყავთ. ფიქრობთ კიდევ გამრავლდეს თქვენი ოჯახი? მე, მაგალითად, ვისურვებდი.

გენადი მაკარაძე: ადამიანს რაც მეტი ჰყავს შვილი, მით უკეთესია ერისთვის, ქვეყნისთვის…

ინჯია: გისურვებთ ჯანმრთელობას და გამრავლებას კიდევ…

მაკარაძე: მადლობა.

ინჯია: მოგეხსენებათ, რომ დღეს საქართველოში დემოგრაფიული პრობლემები არის, ზღვრული ასაკი ქორწინების რამდენად მიგაჩნიათ შეიძლება შემცირდეს ერთი წლით მაინც?

მაკარაძე: არა, ვფიქრობ, რომ ის, რაც კანონმდებლობით არის დადგენილი, საკმაოდ გონივრულია. ქორწინება ეს ბევრ სოციალურ საკითხს…

ინჯია: მადლობა, ბატონო გენადი, თქვენ ბრძანეთ "არა". გასაგებია…

ცნობისთვის ამ წუთებში პარლამენტის იურიდიულ საკითხთა კომიტეტში უზენაესი სასამართლოს მოსამართლეობის ოთხ კანდიდატთან გასაუბრების პროცესი მიმდინარეობს.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა