შინაგან საქმეთა მინისტრის ვახტანგ გომელაურის ინფორმაციით, ბათუმში, საცხოვრებელი კორპუსის ნანგრევებში სავარაუდოდ, 10-15 ადამიანია მოყოლილი.- ამის შესახებ მან ჟურნალისტებს ბათუმში, შემთხვევის ადგილას განუცხადა.

მისი თქმით, ერთი ვერსიით კორპუსის ნგრევა მესაკუთრის მიერ სამშენებლო სამუშაოებმა გამოიწვია. 

"მთელმა საქართველომ ნახა რაც მოხდა კორპუსის ერთი სადარბაზო ჩამოინგრა ჩვენ გამოძიება დავიწყეთ, რა თქმა უნდა, ვადგენთ თუ რამ გამოიწვია ნგრევა. დაახლოებით 5 სართულია ჩამონგრეული, ჩვენი ინფორმაციით დაახლოებით 10-15 ადამიანი უნდა იყოს მოყოლილი ნანგრევებში.

კონტაქტზე გამოდის 2 ადამიანი ტელეფონით გვესაუბრება, თუმცა ზუსტად ვერ გვიხსნიან რომელ სართულზე არიან. ვესაუბრებით ტელეფონით, ასეულობით მაშველია ჩართული, საშუალება არ არის იმის რომ ბევრი ადმიანი ავიდეს 100მა და 200მა ადამიანმა იმუშაოს, თუმცა ერთმანეთს ვცვლით.

მობილიზებულია შსს დანაყოფები, ასევე ადგილობრივი ხელისუფლების მერია და მუნიციპალური სამსახურები.

ვაკეთებთ ყველაფერს, რომ მაქსიმალურად სწრაფად მოხდეს მუშაობა. სწრაფად მუშაობა არ გამოდის, იმიტომ რომ დაზარალება არ მოხდეს ქვეშ მოყოლილი ადამინების.
წინასწარი მონაცემებით, განიხილებოდა გაზის ვერსიაც, თუმცა მეორე ვერსიით მესაკუთრე სამშენებლო სამუშაოებს აკეთებდა, შესაძლებელი იყოს საყრდენი კედლის მონგრევის შედეგად გამოწვეული. გამოძიება მიმდინარეობს, თუ რა თქმა უნდა, დადასტურდა,  ეს ადამიანები პასუხისგებაში აუცილებლად მიეცემა". - განაცხადა ვახტანგ გომელაურმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს