თბილისში, სამხედრო დასახლებაში, აბაშვილის ქუჩაზე 2 000-ზე მეტი აბონენტი ელექტროენერგიის გარეშეა დარჩენილი.

როგორც „ექსპრესნიუსს“ ადგილობრივებმა განუცხადეს, დასახლებას უკვე ორ დღეზე მეტია არ მიეწოდება ელექტროენერგია.

კომპანია „თელმიკოში“, რომელიც ელექტროენერგიის გადასახადების ამოღებას აწარმოებს, „ექსპრესნიუსს“ განუცხადეს, რომ ტექნიკური მომსახურება მათ არ ეხებათ.  

კომპანია „თელასში“ აღნიშნეს, რომ ობიექტი თავდაცვის სამინისტროს საკუთრებაა და ქსელებზე ტექნიკურ მომსახურეობას უწყების შესაბამისი სამსახური კურირებს.

„ექსპრესნიუსს“ თავდაცვის სამინისტროში განუცხადეს, რომ გუშინ მაღალი ძაბვის გადაცემის კაბელზე მოხდა დაზიანება. ადგილზე გასულ საავარიო ჯგუფს დაზიანებული დახვდა მეორე მაღალი ძაბვის გადაცემის კაბელიც.

უწყებაში აცხადებენ, რომ ავარიის აღმოფხვრას დღის ბოლომდე შეეცდებიან.

„ექსპრესნიუსს“ მოსახლეობა უცხადებს, რომ თუ ელექტროენერგიის მიწოდება არ აღდგა, კახეთის გზატკეცილს გადაკეტავენ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს