დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საკოორდინაციო საბჭოზე დღეს მათი ერთ-ერთი რეკომენდაცია შეკრებებსა და კონფერენციებზე მხოლოდ ორჯერადად აცრილი პირების დაშვება იყო.

როგორც გამყრელიძემ აღნიშნა, დღეს ქვეყანაში ვაქცინების დეფიციტი არ არის და შესაბამისად, მოსახლეობა მაქსიმალურად უნდა აიცრას.

„ყველაზე დიდი თავდაცვის საშუალება ნიღაბია და ამაზე უარი არ უნდა ვთქვათ. დღეს საკოორდინაციო საბჭოზე ჩვენი ერთ-ერთი რეკომენდაცია იყო, რომ თუ იქნება ამ ზაფხულს კონფერენციები და შეკრებები, იქ მხოლოდ ორჯერადად აცრილი ადამიანები დაუშვან. ასევე აუცილებელია, რომ სასტუმროს პერსონალი სრულად იყოს აცრილი. იმ სასტუმროს ტერიტორიაზე, სადაც ტარდება შეკრება და კონგერენცია, აუცილებლად იყვნენ ორჯერადად აცრილი ადამიანები. დღეს ეპიდსიტუაციის შეკავების მთავარი გზა გადის აცრებზე. ამიტომ, მოსახლეობა მაქსიმალურად უნდა აიცრას. დღეს ქვეყანაში ვაქცინების დეფიციტი არ არის. ვაქცინები არის სამყოფი რაოდენობის და კიდევ შემოვა“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

კოშტა - პოლონეთის საჰაერო სივრცეც დაირღვა - კიდევ ერთხელ უსვამს ხაზს, რომ რუსეთის აგრესია მთლიანად ევროპის უსაფრთხოებას საფრთხეს უქმნის

ენმ-ის პოლიტიკური საბჭოს სხდომას თინა ბოკუჩავა არ დაესწრება

TI: ოცნებისთვის თითქმის 1.5 მილიონი ლარის ოდენობის შემოწირულობები სათამაშო ბიზნესს უკავშირდება

საქართველოს მოქალაქე დაუსწრებლად გაასამართლეს უკრაინის მხარეს ომში მონაწილეობისთვის