2021-04-30 14:30:39, 975 ნახვა
მსოფლიო
NATO-მ ავღანეთიდან ჯარის გაყვანა დაიწყო
NATO-მ ავღანეთიდან ჯარის გაყვანა დაიწყო, ალიანსმა ამის შესახებ საბოლოო გადაწყვეტილება ხუთშაბათს მიიღო.
„ნატოს მოკავშირეებმა აპრილის შუა რიცხვებში გადაწყვიტეს, რომ 1 მაისამდე დაიწყონ სამხედრო ძალების გაყვანა და ეს გაყვანა დაიწყო. ეს იქნება მოწესრიგებული და კოორდინირებული“, - განაცხადა ნატოს ოფიციალურმა წარმომადგენელმა.
მან ასევე აღნიშნა, რომ თუ თალიბანები ჯარების გაყვანისას თავდასხმას განახორციელებენ, ამაზე პასუხი იქნება მძიმე და მყისიერი.
„გაყვანის დროს თალიბანებისს ნებისმიერ შეტევას მოჰყვება ძალზე დიდი პასუხი.
ჩვენ ვგეგმავთ, რომ გაყვანა დასრულდეს რამდენიმე თვეში“, - განაცხადა ოფიციალურმა წარმომადგენელმა.
ავტორი: ექსპრესნიუსი,
epn.ge (@expressnews.ge)
