„მიყვარხართ და მენატრებით, მაკას მიმიხედეთ“, - „საქართველოს ბანკზე“ თავდამსხმელი ნიკა წურწუმია, წინასწარი დაკავების იზოლატორიდან, ოჯახს წერილობით შეტყობინებას უგზავნის.

გზავნილი თავდამსხმელმა მისივე უფლებადამცველს გამოატანა, რომელმაც დღეს წურწუმია  ზაჰესის დროებითი მოთავსების იზოლატორში მოინახულა.

„ჩემი დაცვის ქვეშ მყოფი გამოიყენებს დუმილის უფლებას. ვისაუბრეთ არაერთ საკითხთან დაკავშირებით. პირველ რიგში, მე ვუხდი ბოდიშს მისი და მთელი ოჯახის სახელით იმ ადამიანებს, ვინც იქ იმყოფებოდა. მეორე საკითხი იყო მისი ფინანსური და მატერიალური მდგომარეობა, რაც დაკავშირებულია გარკვეულ პირთა წრესთან.

როდესაც იგი შევიდა ბანკში ორი პიროვნება, მანდილოსნები, რომლებიც იყვნენ შეშინებულები დაუყონებლივ გაუშვა გარეთ. პროტესტის სხვა შედეგებზე მას არ უფიქრია. ახლაც კი, აქ დამიწერა ერთადერთი რაღაც, „მიმიხედეთ ჩემს მეუღლეს ძალიან მიყვარხართ“, - განაცხადა ადვოკატმა.

ცნობისთვის, ავლაბრის მეტროსთან მდებარე „საქართველოს ბანკის“ ფილიალში გუშინ შეიარაღებული პირი, ნიკოლოზ წურწუმია შეიჭრა. შსს-ს ინფორმაციით,  მას მძევლად 7 პირი ჰყავდა აყვანილი. თავდამსხმელი მძევლად ხელში ჩაგდების და ცეცხლსასროლი იარაღის მართლსაწინააღმდეგო შენახვა-ტარების ბრალდებით რამდენიმე საათში დააკავეს.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ