დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, 22 მარტის კვირაში ქვეყანა „ფაიზერისა“ და „ასტრაზენეკას“ ვაქცინას მიიღებს.

მან ასევე აღნიშნა, რომ მოლაპარაკება მიდის ინდოეთის ინსტიტუთან, რომელიც „ნოვავასის“ ვაქცინას აწარმოებს.

„თითქმის ყოველდღიური კომუნიკაცია გვაქვს ინდოეთის ინსტიტუტთან, რომელიც აწარმოებს „ნოვავაქსის“ ვაქცინას.

გვპირდებიან, რომ მალე მათგან კონტრაქტი უნდა მივიღოთ, დღესაც იყო მათთან საუბარი.

რაც შეეხება სიახლეებს ვაქცინასთან დაკავშირებით, წერილობითი თუ დისტანციური შეხვედრების საფუძველზე დადასტურებულია, რომ 22 მარტის კვირაში ქვეყანა აუცილებლად მიიღებს როგორც „ფაიზერის“, ისე „ასტრაზენეკას“ ვაქცინას.

ორივე უნდა შემოვიდეს „კოვაქსის“ პლატფორმის საშუალებით.

უკვე უახლოეს ხანში დაზუსტდება დღე და რეისი, რომლითაც გამოიგზავნება ვაქცინა. სწორედ ამაზე მიმდინარეობს ინტენსიური კომუნიკაცია გაერო-ს ბავშვთა ფონდთან, რადგან მათი საშუალებით ხდება ვაქცინების მოწოდება.

მათთან მოხდა შესაბამისი თანხის ტრანზაქციები ამ ორი ვაქცინის შესყიდვისთვის“, – განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი