„ერთიანი ნაციონალური მოძრაობის“  პოლიტიკური მდივნის აკაკი მინაშვილის ინფორმაციით, საპატრულო პოლიციიის ყოფილი თანამშრომლის მიმართ მუქარის შემცველი ზარები ხორციელდება, რომელსაც სამართალდამცავი ორგანოების მხრიდან რეაგირება არ მოჰყოლია.

მინაშვილმა დღეს პრესკონფერენცია პატრულის ყოფილ თანამშრომელთან, ზურაბ სოსელიასთან ერთად გამართა. 

 „ზურაბ სოსელია, რომელიც წლების განმავლობაში საპატრულო პოლიციის თანამშრომელი იყო, 2012 წლის ნოემბერში ის გაათავისუფლეს, რადგან მან სრულიად კანონიერად გააჩერა და დააჯარიმა მაშინდელი „ქართული ოცნების“ ზუგდიდის რაიონული ორგანიზაციის თავმჯდომარე ედიშერ თოლორაია, რომელიც დღეს ზუგდიდის გამგებელია. ამას შემდეგ ის აქტიურადაა ჩართული საზოგადოებრივ ცხოვრებაში. მუდმივად და ინტენსიურად ამხელს ადგილობრივ ხელისუფლებას სამეგრელოში, მათ შორის გუბერნატორსა და სუს-ის თანამშრომლებს. ამის გამო, რამდენიმე დღის წინ, ზურაბ სოსელიას დედას დაურეკეს და დაემუქრნენ, რომ თუკი ის თავის აქტიურობას არ შეწყვეტდა, სერიოზული ზიანი მიადგებოდა. მსგავსი შინაარსის ზარი ორჯერ განხორციელდა. ორივე ნომერი ცნობილია. აღნიშნულის შესახებ სოსელიამ სამართალდამცავებს შეატყობინა, თუმცა საქმის გამოძიება არ დაწყებულა და არც რაიმე სახის რეაგირება მოუხდენიათ.

ჩვენ ვიცით ბევრი დანაშაულის შესახებ, რომელსაც გუბერნატორი შონია და სუს-ის უფროსი ნაჭყებია სჩადიან. შეგახსენებთ, რომ ნაჭყებია თავის დროზე კონტრაბანდისთვის მსჯავრდებული იყო. ის რომ ამ და მსგავს საქმეებზე არანაირი გამოძიება არ ხორციელდება, კიდევ ერთხელ აძლიერებს იმ ეჭვებს, რომ ეს ყველაფერი  ადგილობრივი ხელისუფლებისა და ცენტრალური ხელისუფლების შესაბამისი სამსახურების მიერაა მართული.

ვაფრთხილებ ხელისუფლებას, რომ ეს და მსგავსი ფაქტები სასწრაფოდ გამოძიოს, რადგან ის ძალადობა რასაც ის აქტიური მოქალაქეების მიმართ იყენებს, მათ დასასრულს დააჩქარებს“, - განაცხადა აკაკი მინაშვილმა.

როგორც ზურაბ სოსელიამ აღნიშნა, მსგავსი სახის მუქარებით მას ვერ გააჩერებენ და უკანონონობის წინააღმდეგ ბრძოლას გააგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა