საგარეო საქმეთა მინისტრი გიორგი კვირიკაშვილი მიიჩნევს, რომ კარგი იქნებოდა აშშ-ში საქართველოს ელჩი არჩილ გეგეშიძე ვაშინგტონში ყოფილიყო პრეზიდენტის გიორგი მარგველაშვილის  ვიზიტის განმავლობაში. 

თუმცა, როგორც კვირიკაშვილმა ჟურნალისტებს განუცხადა, პრემიერ-მინისტრთან ირაკლი ღარიბაშვილთან კონსულტაციის შემდეგ გადაწყდა, რომ გეგეშიძე ნიუ იორკში დარჩენილიყო.

„პრემიერის და ასევე პრეზდენტის ვიზიტი იყო ძალიან წარმატებული და სასარგებლო ჩვენი ქვეყნისთვის. ჩემი დანიშვნიდან რამდენიმე დღეში პრეზიდენტის მრჩეველთან საგარეო ურთიერთობის საკითხებში თენგიზ ფხალაძესთან მქონდა შეხვედრა და მე მას შევთავაზე, რომ პრეზიდენტის ცალკე ვიზიტის დაგეგმვა და მე მას მხარდაჭერა აღვუთქვი, რომ მაქსიმალურად შევეცდებოდი, ძალიან კარგი წარმომადგენლობითი ოფიციალური ვიზიტი გაგვეკეთებინა.

მე რა თქმა უნდა ვთვლი, რომ კარგი იქნებოდა, ელჩი არჩილ გეგეშიძე ვაშინგტონში ყოფილიყო ვაშინგტონში პრეზიდენტის ვიზიტის განმავლობაში. თუმცა, პრემიერის შეხვედრების გრაფიკიდან გამომდინარე, მათ შორის გაეროს ფორმატის მიღმა შეხვედრებიდან, იყო ასეთი ორმხრივი შეხვედრები მთავრობის წარმომადგენლებთანაც, მთავრობის მეთაურთან კონსულტაციით, გადაწყვეტილება იქნა მიღებული, რომ რომ ელჩი ნიუ იორკში დარჩენილიყო და ამაში უკანონობის დანახვა ალბათ უფრო გადამეტებაა, რადგან ამაში უკანონო არაფერი ყოფილა“, - აღნიშნა კვირიკაშვილმა.

მინისტრის თქმით, ქვეყნის უმაღლეს პირებს შორის, საგარეო პოლიტიკის მიმართულებით, რაც უფრო უკეთესი კოორდინაცია იქნება, მით უფრო სასარგებლო იქნება ქვეყნისთვის.

„მე, როგორც საგარეო საქმეთა მინისტრი, შევეცდები მაქსიმალურად მეტი გავაკეთო იმისათვის, რომ ასეთი ტიპის კოორდინაცია შედგეს“, - განაცხადა გიროგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს