ჯანდაცვის მსოფლიო ორგანიზაციის დირექტორმა, ტედროს ადანომ გებრეიესუსმა გუშინ გამართულ ბრიფინგზე განაცხადა, რომ დამოუკიდებელ ექსპერტთა ჯგუფმა, რომელიც ვუჰანში კორონავირუსის წარმოშობას სწავლობდა, ვიზიტი დაასრულა.

როგორც ის აღნიშნავს, კგუფი უახლოეს პერიოდში სრულ დასკვნას დადებს. მისი თქმით, კორონავირუსის წარმოშობისა და გავრცელების ყველა ჰიპოთეზა ღიად რჩება და საჭიროებს შემდგომ შესწავლას.

„როგორც მოგეხსენებათ, დამოუკიდებელ ექსპერტთა ჯგუფმა COVID-19 ვირუსის წარმოშობის შესასწავის მიზნით ჩინეთში მოგზაურობა დაასრულა.

ეს იყო საერთაშორისო გუნდი, რომელიც ავსტრალიის, დანიის, გერმანიის, იაპონიის, ნიდერლანდების, კატარის, რუსეთის ფედერაციის, გაერთიანებული სამეფოს, ამერიკის შეერთებული შტატების და ვიეტნამის ექსპერტებისგან შედგებოდა. გუნდში ასევე შედიან WHO, FAO და OIE ექსპერტები.

ექსპერტთა ჯგუფი კვლავ მუშაობს საბოლოო დასკვნაზე და ველოდებით როგორც ანგარიშის მიღებას, ასევე სრულ ბრიფინგს.

წამოიჭრა რამდენიმე კითხვა იმის თაობაზე, გაუქმდა თუ არა ზოგიერთი ჰიპოთეზა.

მინდა განვმარტო, რომ ყველა ჰიპოთეზა რჩება ღია და საჭიროებს შემდგომ შესწავლას“, - განაცხადა გებრეიესუსმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს

რუტემ სამხედრო შესყიდვებისთვის ნატოს „ერთიანი ფანჯრის“ შექმნის შესახებ განაცხადა

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს