საქართველოს ფეხბურთის ფედერაციის საარჩევნო ყრილობის ერთ-ერთი დელეგატი გეგა გობეჯიშვილი არჩევნებში მონაწილეობას აღარ მიიღებს.

ამის შესახებ ჟურნალისტებს თავად გობეჯიშვილმა განუცხადა.

მისი თქმით, აღნიშნული გადაწყვეტილება უეფას რეკომენდაციით იქნა მიღებული.

„ყრილობამ გადაწყვიტა, რომ ჩემს მაგივრად იქნება სხვა დელეგატი. მე აღარ ვარ დელეგატი იმიტომ, რომ უეფამ გადაწყვიტა ესე. არ ვიცი ჩემს ნაცვლად ვინ იქნება. მე მინდა ჩემი პოზიცია დავაფიქსირო, რომ მე ვარ რეზის ხმის დამჭერი და იმედი მაქვს, რომ ვინც იქნება, ისიც რეზის დაუჭერს მხარს.  მე მზად ვიყავი არჩევნებში მონაწილეობის მისაღებად. მე რაც შემეძლო ყველაფერი გავაკეთე“, - განაცხადა გეგა გობეჯიშვილმა.

ცნობისთვის, სასტუმრო "ჰოლიდეი ინნ“-ში დღეს ფეხბურთის ფედერაციის პრეზიდენტის არჩევნები უნდა ჩატარდეს. ფეხბურთის ფედერაციის პრეზიდენტობისთვის სამი კანდიდატი - რევაზ არველაძე, ლევან კობიაშვილი და მამუკა კვარაცხელია იბრძვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო