"ე.წ. დესანტის წევრები არიან თქვენი სასიქადულო წარმომადგენლებიც, რომლებსაც გაცილებით უფრო მეტი ნაცნობი წრე, კონტაქტები აქვთ და საკმაოდ ორგანიზებული პარტიული ორგანიზაცია - "სახალხო პარტია" უჭერს მხარს",- ასე გამოეხმაურა საპარლამენტო უმრავლესობის წევრი გია ვოლსკი უმცირესობის წევრ ნუგზარ წიკლაურს, რომელმაც სტრასბურგში მყოფ საქართველოს დელეგაციას დესანტი უწოდა და აღნიშნა, რომ რეზოლუციის ტექსტის შესაცვლელად ხელისუფლებამ მობილიზაცია გამოაცხდა. ვოლსკის შეფასებით, წლების განმავლობაში, საქართველოს დამახასიათებელი ნიშანი, სიბრიყვის, ღალატისა და არაადამიანურობის დემონსტრირება იყო.

"სიბრიყვის, ღალატის, არაადამიანურობის დემონსტრირება იყო წლების განმავლობაში საქართველოს დამახასიათებელი ნიშანი და ვერც ერთი საკითხი, რომელიც ამ თემებთან იყო დაკავშირებული, ვერ გადიოდა იმ დონეზე განსახილველად, რომ რაღაცა შეცვლილიყო ქვეყანაში. ამ ე.წ. დესანტის წევრები არიან თქვენი სასიქადულო წარმომადგენლებიც, რომლებსაც გაცილებით უფრო მეტი ნაცნობი წრე, კონტაქტები აქვთ და საკმაოდ ორგანიზებული პარტიული ორგანიზაცია -"სახალხო პარტია" უჭერს მხარს"- განაცხადა ფრაქცია „ქართული ოცნების“ თავმჯდომარემ.

ინფორმაციისთვის, ევროსაბჭოს წევრი ქვეყნების დეპუტატები ხვალ საქართველოს თემაზე მომზადებულ რეზოლუციის ტექსტს უყრიან კენჭს. რეზოლუციის პროექტში წინასწარი პატიმრობის ბოროტად გამოყენებაზეა საუბარი. ოპოზიციის მტკიცებით, რეზოლუციის ტექსტის შესაცვლელად ხელისუფლებამ მობილიზაცია გამოაცხადა. საქართველოს იუსტიციის მინისტრმა თეა წულუკიანმა კი აღნიშნა, რომ მისი სტრასბურგში ყოფნის მიზანია, არავის მისცეს საშუალება, ევროპაში საქართველოს ცუდი რეპუტაცია შეუქმნან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა