საპარლამენტო უმცირესობის წევრმა ნუგზარ წიკლაურმა სტრასბურგში მყოფ საქართველოს დელეგაციას დესანტი უწოდა. ევროსაბჭოს წევრი ქვეყნების დეპუტატები ხვალ საქართველოს თემაზე მომზადებულ რეზოლუციის ტექსტს უყრიან კენჭს. რეზოლუციის პროექტში წინასწარი პატიმრობის ბოროტად გამოყენებაზეა საუბარი. ოპოზიციის მტკიცებით, რეზოლუციის ტექსტის შესაცვლელად ხელისუფლებამ მობილიზაცია გამოაცხდა.

"შევიტყვეთ საქართველოდან დიდი დელეგაცია, დიდი დესანტია გადასხმული სტრასბურგში და ყველანი ჩართულები არიან ამაში-საელჩოები, აქედან წასული დეპუტატები, მისი უდიდებულესობა წულუკიანიც ესტუმრა სტრასბურგს. რა არის მისია ამ დესანტის?! აღმოჩნდა, რომ ამ ადამიანებს მიზნად აქვთ, გაანათლონ დეზორიენტირებული ევროპელი დეპუტატები. სახელმწიფო ინტერესების ღალატი ის კიარ არის, რომ ევროპის საბჭოს მართებულ ინფორმაციას მიაწვდი, არამედ ღალატი და სიბრიყვეა პოლიტიკური დევნა", - განაცხადა ნუგზარ წიკლაურმა.  

ცნობისთვის, საქართველოს იუსტიციის მინისტრმა თეა წულუკიანმა განაცხადა, რომ მისი სტრასბურგში ყოფნის მიზანია, არავის მისცეს საშუალება, ევროპაში საქართველოს ცუდი რეპუტაცია შეუქმნან.

"მთავარი მიზანი ჩემი არის ის, რომ არავის მივცე საშუალება, გააკრიტიკოს ქართველი მოსამართლე ევროპულ დონეზე, გააკრიტკოს ქართული მართლმსაჯულება, უსაფუძვლოდ და გააკრიტიკოს ის რეფორმები, რომელსაც მთავრობა სამართლებრივ სფეროში ატარებს. მთავარი მიზანია, რომ ევროსაბჭოს ჰქონდეს ობიექტური ინფორმაცია. რეზოლუციის ტექსტს კენჭს უყრიან ევროსაბჭოს წევრი ქვეყნების დეპუტატები და ამ კენჭისყრაზე ზემოქმედება არ ძალუძს არც ერთ აღმასრულებელ ხელისუფლებას. მაქვს ჩემი მიზნები, რომ ვიღაცებს არ მივცე საშუალება, ევროპაში საქართველოს ცუდი რეპუტაცია შეულახონ", - აღნიშნა თეა წულუკიანმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა