2020-12-22 12:41:29, 570 ნახვა

---

ხატია დეკანოიძის განცხადებით, კობახიძის მუქარის ენით ლაპარაკი, „ქართული ოცნების“ მიერ მაგიდის აყირავების მცდელობა იყო

„ნაციონალური მოძრაობის“ ლიდერის, ხატია დეკანოიძის განცხადებით, კობახიძის მუქარის ენით ლაპარაკი, „ქართული ოცნების“ მიერ მაგიდის აყირავების მცდელობა იყო.

როგორც დეკანოიძე აღნიშნავს, ჯერჯერობით მმართველი გუნდის მხრიდან მოლაპარაკებებზე არც ერთი გონივრული წინადადება არ გაჟღერებულა.

„ჯერჯერობით „ქართული ოცნება“ არ მოსულა არც ერთი წინადადებით. იცით რომ ჩვენ გვქონდა ბოლო რაუნდი და კობახიძის მუქარის შემდეგ შეწყდა მოლაპარაკებები, როდესაც მან რამდენიმე კვირის წინ „ნაციონალურ მოძრაობისა“ და სხვა პარტიის წინააღმდეგ სერიოზული შანტაჟისა და მუქარის ენით დაიწყო ლაპარაკი. ამიტომ ეს იყო „ქართული ოცნების“ მიერ მაგიდის აყირავების მცდელობა. ჯერჯერობით არც ერთი გონივრული წინადადება არ გაჟღერებულა მათი მხრიდან“, - განაცხადა დეკანოიძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი