გაეროს ტრიბუნიდან ობამამ იმ პრობლემებზე ისაუბრა რაც რუსეთს სანქციების შედეგად შეექმნა

2015-09-28 20:32:47, 1210 ნახვა

მსოფლიო

ამერიკის შეერთებული შტატების პრეზიდენტის ბარაქ ობამას განცხადებით, ამერიკა არ ისწრაფვის რუსეთის საერთაშორისო იზოლაციისკენ.
ამის შესახებ ობამამ გაეროში, გენერალური ასამბლეის სესიაზე სიტყვით გამოსვლისას განაცხადა.
"ჩვენ არ გვინდა რუსეთის იზოლაცია. ჩვენ გვჭირდება ძლიერი რუსეთი, რათა ერთად ვიმუშაოთ მსოფლიო უსაფრთხოებაზე", - განაცხადა ობამამ.
ოაბამამ სიტყვით გამოსვლის დროს რუსეთს მოუწოდა, საერთაშორისო ამოცანებისა და პრობლემების გადაწყვეტა დიპლომატიური გზით განახორციელოს.
ამასთან, დონბასში არსებულ კრიზისზე საუბრისას, ბარაქ ობამამ განაცხადა, რომ რუსეთისთვის სანქციების გაგრძელების მომხრეა, ვიდრე ეს კრიზისი არ გადაიჭრება.
მისი თქმით, წუხს, რომ რუსეთი ყირიმთან და უკრაინასთან მიმართებაში დიპლომატიის გზით არ წავიდა, რის გამოც აშშ-ს რუსეთის წინააღმდეგ სანქციების შემოღება მოუხდა.
ობამას განცხადებით, სანქციებმა რუსეთიდან ინტელექტუალური მიგრაცია, ეროვნული ვალუტის ვარდნა და ახალი ეკონომიკური კრიზისი გამოიწვია.