„ნატო–საქართველოს“ გაძლიერებული თანამშრომლობის პაკეტის დროული და ეფექტური იმპლემენტაცია, ალიანსში გაწევრიანებასთან დაგვაახლოვებს“, – ამის შესახებ საქართველოს პრემიერ–მინისტრმა ირაკლი ღარიბაშვილმა ნატო–ს გენერალური მდივნის მოადგილესთან ალექსანდრ ვერშბოუსთან ერთად გამართულ ბრიფინგზე განაცხადა.

ღარიბაშვილის შეფასებით, ვერშბოუს საქართველოში ვიზიტი, ნატო-ს მიერ საქართველოს მტკიცე მხარდაჭერის გამოხატულებაა.

„ვერშბოუ  გვეწვია თბილისში, ეს კი იმის გამოხატულებაა, რომ ჩვენ გვაქვს მტკიცე, მკაფიო მხარდაჭერა ნატო–სგან და ნატოს წევრი ქვეყნებისგან.  მინდა კიდევ ერთხელ  აღვნიშნო, რომ ჩრდილოატლანტიკურ ალიანსში ინტეგრაცია, ეს არის ჩვენი, ქართველი ხალხის მტკიცე არჩევანი და ჩვენ ყველაფერს ვაკეთებთ იმისათვის, რომ ამ საბოლოო მიზანს მივაღწიოთ. ჩვენ უაღრესად ვაფასებთ ალიანსის მხარდაჭერას, ჩვენი ქვეყნის სუვერენიტეტისა და ტერიტორიული მთლიანობისადმი. ნატო–ს ქმედით ჩართულობა საქართველოს ოკუპირებული ტერიტორიების არ აღიარების პოლიტიკაში, ჩვენთვის მნიშვნელოვანია“,  – აღნიშნა ირაკლი ღარიბაშვილმა.

მისივე თქმით,  საქართველოს მთავრობა მოწოდებულია, უელსის სამიტზე მიღებული პაკეტი დროულად და ეფექტურად განხორციელდეს.

„ჩვენ ამისთვის ყველაფერს ვაკეთებთ. გვაქვს სრული მზაობა და მობილიზება. ვართ მჭიდრო თანამშრომლობაში ნატო–ს ცენტრალურ ოფისთან და ნატოს წევრ ქვეყნებთან.  მინდა ვერშბოუს მადლობა ვუთხრა  იმ წვლილისთვის, რომელიც პირადად მას აქვს შეტანილი საქართველოს ევროატლანტიკური ინტეგრაციის პროცესში და კონკრეტულად პაკეტის განხორციელებაში“, – განაცხადა პრემიერმა.

ღარიბაშვილის ინფორმაციით, ვერშბოუსთან შეხვედრაზე მათ რეგოინში არსებული სიტუაცია და საქართველოში, ოკუპირებულ ტერიტორიებზე შექმნილი ვითრება განიხილეს.   
„დღევანდელ შეხვედრაზე ჩვენ განვიხილეთ ნატო–საქართველოს არსებითი პაკეტით გათვალისწინებული ელემენტების იმპლემენტაციის გეგმა, ასევე ვისაუბრეთ ჩვენს რეგიონში არსებულ შიდა და გარე სიტუაციაზე, იმ საფრთხეებზე რომელიც ევროპაში, ზოგადად მსოფლიოში არსებობს. განვიხილეთ ასევე ჩვენს ქვეყანაში,  ოკუპირებულ ტერიტორიებზე შექმნილი ვითარება და ბოლოს ჩვენ ვთანმხდებით, რომ პაკეტის დროული და ეფექტური იმპლემენტაცია დაგვაახლოვებს ჩვენ საბოლოო მიზანთან, ალიანსში გაწევრიანებასთან“, – განაცხადა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს