2020-11-18 22:17:44, 879 ნახვა

---

სააკაშვილი: ყველაფერს აკეთებენ, რომ მე მანდ ვერ ჩამოვიდე - ხან საჰაერო სივრცეს კეტავენ, განაჩენებს მიმატებენ, სპეცრაზმის მობილიზაციას ახდენენ

„ყველაფერს აკეთებენ, რომ მე მანდ ვერ ჩამოვიდე - ხან საჰაერო სივრცეს კეტავენ, განაჩენებს მიმატებენ, სპეცრაზმის მობილიზაციას ახდენენ“, - ამის შესახებ საქართველოს ექსპრეზიდენტმა მიხეილ სააკაშვილმა ვიდეო მიმართვის დროს განაცხადა.

მან ასევე აღნიშნა, რომ ტრაფარეტებით სიარული - მიშას გარეშე არაფერი არ გამოვა - ხელისუფლებას აწყობს.

„მე მიმაჩნია, რომ ეს არის შემოგდებული, იმიტომ რომ მიშას გარეშე არაფერი არ გამოვა ეს ნიშნავს, რომ მანდ მთავარი სიტყვაა არაფერი არ გამოვა. ამას ამბობს ბევრი პატივცემული კარგი ადამიანი, რომელიც ძალიან მიყვარს, მე მათ ვეკამათე.

მეგობრებო, თბილისის ქუჩებში დადიხართ და ატარებთ ლოზუნგს მიშას გარეშე არაფერი არ გამოვა, მესმის, რასაც გულისხმობთ, მაგრამ ეს იმათ აწყობთ.

ყველაფერს აკეთებენ, რომ მე მანდ ვერ ჩამოვიდე - ხან საჰაერო სივრცეს კეტავენ, განაჩენებს მიმატებენ, სპეცრაზმის მობილიზაციას ახდენენ, რომ როგორც კი გამოვჩნდები 5 წუთში ამწიონ ჰაერში და მერე ვერც დაგელაპარაკებით ასე. ეს გაწყობთ თქვენ?“, - განაცხადა მიხეილ სააკაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი