2020-11-17 12:29:07, 1349 ნახვა
მსოფლიო
„ტვიტერის“ უსაფრთხოების სამსახურის უფროსად ცნობილი ჰაკერი დაინიშნა
სოციალური ქსელის გიგანტის, „ტვიტერის“ უსაფრთხოების სამსახურის უფროსად ცნობილი ჰაკერი, პიტერ ზატკო დანიშნეს.
ამის შესახებ ინფორმაციას „ენბისი ნიუსი“ ავრცელებს.
გამოცემის ცნობით, ზატკო დაიცავს „ტვიტერის“ ინფორმაციულ უსაფრთხოებას, უზრუნველყოფს პლატფორმის მდგრადობას და დაიცავს მას სხვადასხვა მანიპულაციებისგან.
ცნობისთვის, პიტერ ზატკო საყოველთაოდ ცნობილი ჰაკერია, რომელსაც ზედმეტსახელად მაჯს ეძახიან. მან 1990-იან წლებში პირველმა განახორციელა საიდუმლო სამუშაოები და ჰაკერული დაჯგუფების სახელით აშშ-ის მთავრობასთან კონტაქტი დაამყარა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
