აჭარის მთავრობის თავმჯდომარემ არჩილ ხაბაძემ მუსლიმებს ერთ-ერთი მთავარი რელიგიური დღესასწაული ყურბან ბაირამი დღეს ქედის მუნიციპალიტეტის სოფელ ცხმორისის მეჩეთიდან მიულოცა.

მორწმუნეებთან ერთად მეჩეთში მუნიციპალიტეტის გამგებელი დავით დუმბაძე და სასულიერო პირები იმყოფებოდნენ.

„ჩვენი მრავალეროვანი რეგიონისთვის მნიშვნელოვანია ბათუმში მცხოვრები ნებისმიერი ეთნიკური უმცირესობისთვის დამახასიათებელი ტრადიციული ღონისძიება. სწორედ ეს ურთიერთდამოკიდებულება აერთიანებს  აჭარაში მცხოვრებ თითოეულ ადამიანს. კიდევ ერთხელ გილოცავთ და გისურვებთ სითბო და სიკეთე შემოსულიყოს თითოეული თქვენგანის ოჯახში“, - აღნიშნა არჩილ ხაბაძემ.

ეიდ ალ-ადჰა, იგივე ყურბან ბაირამი, მუსულმანური კალენდრის მთავარი დღესასწაულია, რომლითაც რამადანის დასასრული აღინიშნება. მუსლიმები ამ დღესასწაულზე  შეწირულ საკლავს შეჭირვებულ ოჯახებს ურიგებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა