ღია სივრცეში პირბადის ტარება სავალდებულო ხდება

2020-11-03 13:03:05, 1971 ნახვა

საზოგადოება

პირბადეების ტარება ღია სივრეშიც სავალდებულო გახდა.

ამის შესახებ ვიცე-პრემიერმა, მაია ცქიტიშვილმა მთავრობის ადმინისტრაციაში, ბრიფინგზე განაცხადა.

"ჩვენ დღეს მივიღეთ გადაწყვეტილება, რომ პირბადეების ხმარება იყოს სავალდებულო არა მხოლოდ დახურულ სივრცეში, არამედ ღია სივრცეებშიც. ეს არის ერთადერთი საშუალება დღეისთვის, რომელიც ყველაზე კარგად იცავს ჩვენს მოქალაქეებს ინფიცირებისგან", - განაცხადა მაია ცქიტიშვილმა.

ამასთანავე, მინისტრმა დასძინა, რომ პირბადის არგამოყენებაზე ფულადი ჯარიმა გავრცელდება.

როგორც რეგიონული განვითარებისა და ინფრასტრუქტურის მინისტრმა, მაია ცქიტიშვილმა განაცხადა, მოქალაქეები, რომლებიც ღია სივრცეში პირბადეს არ გამოიყენებენ, 20 ლარით დაჯარიმდებიან.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან