მე პირადად ხმა მივეცი ქვეყნის განვითარების სტაბილურობას, მშვიდობას, ჩვენს ევროპულ მომავალს, - ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა საარჩევნო უბანზე ხმის მიცემის შემდეგ ჟურნალისტებს განუცხადა.

მისი თქმით, დღეს საქართველო გააკეთებს იმ არჩევანს, რომელიც განსაზღვრავს ქვეყნის განვითარების მომდევნო 4 წელს.

„დღეს საქართველო აკეთებს თავის არჩევანს. საქართველოს მოქალაქეების არჩევანი განსაზღვრავს ქვეყნის განვითარების უახლოეს 4 წელს და უფრო შორეულ პერსპექტივას. მე პირადად ხმა მივეცი ქვეყნის განვითარების სტაბილურობას, მშვიდობას, ჩვენს ევროპულ მომავალს, ეკონომიკურ ზრდას, თითოეული ოჯახის კეთილდღეობას და მთავარია რომ ადამიანის ღირსებას და პატივისცემას.

მე ვფიქრობ, რომ ეს ღირებულებები, რომელიც ადამიანზეა მორგებული მოსახლეობის აბსოლუტურ უმრავლეობას აქვს განსაზღვრული და გააზრებული. ვფიქრობ, მოსახლეობის უმრავლესობა სწორედ ამ მიმართულებას მისცემს ხმას. მე მოვუწოდებდი ყველას, რომ თავისი სინდისის, ოჯახის და ქვეყნის მომავლის მიხედვით მისცენ ხმა არჩევნებზე.

ჩვენ ვატერებთ კვლევებს და ვფიქრობთ, არანაკლებ 55-60%-ის შუალედში გვექნება. შიდა პარტიული კვლევების გარდა სხვა კვლევებიც ტარდება, გარდა ორი-სამი ტელევიზიისა, რომელიც სიცრუეზეა აგებული. კოალიციას გამოვრიცხავთ, ჩვენ აბსოლუტური, სოლიდური უმრავლესობით მოვალთ და ვფიქრობ, საშუალოდ „ქართულ ოცნებას“ 100 მანდატი ექნება“, - განაცხადა ბიძინა ივანიშვილმა.

ავტორი: ექსპრესნიუსი,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა