დიმიტრი ქუმსიშვილი: ლარი აუცილებლად გამყარდება

2015-09-22 16:33:28, 672 ნახვა

ეკონომიკა

საქართველოს ეკონომიკისა და მდგრადი განვითარების მინისტრ დიმიტრი ქუმსიშვილის მტკიცებით, საშუალოვადიან პერიოდში ლარის კურსი აუცილებლად გამყარდება.

მისივე განმარტებით, ლარის კურსზე მოქმედი ყველა მაკროეკონომიკური პარამეტრები განიხილეს და ლარის გამყარებასთან დაკავშირებით კითხვები აღარ არსებობს.

"ლარი აუცილებლად გამყარდება საშუალოვადიან პერიოდში, აქ უკვე კითხვის ნიშნები არ არის. გუშინდელი შეხვედრა ამის კიდევ ერთი დამადასტურებელი ფაქტი იყო, სადაც დეტალურად იყო განხილული ყველა ის მაკროეკონომიკური პარამეტრები, რაც ლარზე ზემოქმედებს. ასევე, იყო განხილული ყველა ის შესაძლო ქმედება, რომელსაც განახორციელებს როგორც ფინანსთა სამინისტრო, ასევე ეროვნული ბანკი იმისათვის, რომ აღნიშნული ცხოვრებაში რეალობად გადაიქცეს,“-განაცხადა დიმიტრი ქუმსიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან