2020-09-28 12:30:03, 1599 ნახვა
ომი უკრაინაში
კორონავირუსით ინფიცირებული მოსწავლეების გამო, ზუგდიდის სამ სკოლაში სასწავლო პროცესი დისტანციურ რეჟიმში გაგრძელდება
სამეგრელო-ზემო სვანეთის გუბერნატორის მოვალეობის შემსრულებლის, მალხაზ თორიას განცხადებით, ზუგდიდში კორონავირუსი 14 მოსწავლეს დაუდგინდა.
მისი თქმით, აღნიშნულიდან გამომდინარე ზუგდიდის სამ სოფელში სასწავლო პროცესი დისტანციურ რეჟიმში გაგრძელდება.
„ზუგდიდის მუნიციპალიტეტის სამ სოფელში, ეს არის: რუხის, დიდინეძის და ინგირის საჯარო სკოლა გადავა დისტანციურ სწავლებაზე. დიდინეძის საჯარო სკოლის მოსწავლეებს კონტაქტი ჰქონდათ სხვა მოსწავლეებთან, ვინაიდან ისინი დაინფიცირდნენ რეპეტიტორისაგან, რომელსაც კორონავირუსი წინა დღეებში დაუდგინდა, მათი კონტაქტებია და აღნიშნულიდან გამომდინარე, დიდინეძის საჯარო სკოლაში უნდა ჩატარდეს ღრმა ეპიდემიოლოგიური კვლევა“, - განაცხადა მალხაზ თორიამ.
ავტორი: ექსპრესნიუსი,
epn.ge (@expressnews.ge)
