შეზღუდული შესაძლებლობების მქონე ბავშვების პენსია 100 ლარის ნაცვლად 160 ლარი იქნება. შესაბამისი გადაწყვეტილება მთავრობის დღევანდელ სხდომაზე მიიღეს.

"დღეს საქართველოს მთავრობამ მიიღო ძალიან მნიშვნელოვანი გადაწყვეტილება.შეზღუდული შესაძლებლობების მქონე ბავშვებს, რომლებსაც დღემდე ჰქონდათ 100 ლარი პენსია, გაეზარდათ პენსია 160 ლარამდე. ეს გახლავთ 9 000 -ზე მეტი ბავშვი და ამით ფაქტობრივად შესრულდა ის დანაპირები, რომლებმაც გაიჟღერა ამ რამდენიმე თვის წინ შშმ ბავშვების მშობლებთან",-განუცხადა ჟურნალისტებს ჯანდაცვის მინისტრის მოადგილე ზაზა სოფრომაძემ.

მისივე თქმით, 160 ლარამდე პენსია ასევე მკვეთრად გამოხატული შეზღუდული შესაძლებლობების მქონე პირებსაც გაეზრდებათ. "მიღებულ იქნა ასევე გადაწყვეტილება მკვეთრად გამოხატული შეზღუდული შესაძლებლობების მქონე პირების პენსიის გაზრდის შესახებ 160 ლარამდე. მთლიანობაში საქართელოს ბიუჯეტს ეს დაუჯდება დაახლოებით, 3 100 000 ლარი, რომელიც წლის ბოლომდე მობილიზებული იქნება",-აღნიშნა ზაზა სოფრომაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის დელეგაცია ნატოს სამიტამდე ანკარას ეწვევა

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს