"ევრაზიის კონტინეტს და ევრაზიულ კავშირს თუ ვინმე ვერ არჩევს ერთმანეთისგან, მე მგონია, რომ ჩემი პრობლემა არ უნდა იყოს",-ამის შესახებ საქართველოს  საგარეო საქმეთა ახალმა მინისტრმა, გიორგი კვირიკაშვილმა, ევრაზიის კონტინენტთან დაკავშირებით მისი გუშინდელი განცხადების კომენტირებისას აღნიშნა.
"ევრაზიის კონტინეტს და ევრაზიულ კავშირს თუ ვინმე ვერ არჩევს ერთმანეთისგან, მე მგონია, რომ ჩემი პრობლემა არ უნდა იყოს.იმდენი საინტერესო რამ ხდება რაც ეხება ჩვენს მზარდ ეკონომიკურ თანამშრომლობას ჩინეთთან, მგონია რომ არაა დამატებითი ახსნა საჭირო იმისათვის, თუ რაოდენ დიდი მნიშვნელობა აქვს აღმოსავლეთ-დასავლეთის სატრანზიტო და ლოგისტიკური პოტენციალის განვითარებას და რაოდენ მნიშვნელოვანია ეს საქართველოს ევროპული და ევროატლანტიკური ინტეგრაციისთვის",-განაცხადა გიორგი კვირიკაშვილმა.
შეგახსენებთ, გიორგი კვირიკაშვილმა ევრაზიის კონტინენტთან დაკავშირებით განცხადება გუსინ საგარეო საქმეთა მინისტრად წარდგენისას გააკეთა.
"ეს იქნება პირველი პრიორიტეტი, თუმცა ბევრი საინტერესო რამ ხდება მსოფლიოში, პროდასავლური მიმართულების გარდა. ეს არის აღმოსავლეთთან ურთიერთობები, ახალი მოვლენები ევრაზიის კონტინენტზე. ჩვენ მაქსიმალურად შევეცდებით, რომ საქართველოსთვის როგორც პოლიტიკური, ასევე ეკონომიკური კუთხით, ყველა ამ საინტერესო მოვლენის მაქსიმალური ტრანსფორმაცია მოხდეს “-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის დელეგაცია ნატოს სამიტამდე ანკარას ეწვევა

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს