„ნაციონალური მოძრაობა“ არ ასრულებს საზოგადოებრივ დაკვეთას - ის ზრუნავს საკუთარ გეგმებზე, - ამის შესახებ უმრავლესობის ლიდერმა, მამუკა მდინარაძემ პარლამენტის პლენარული სხდომის დასრულების შემდეგ, ჟურნალისტებს განუცხადა.

მდინარაძის თქმით, „ნაციონალური მოძრაობა“ თავისი ყველა განაყოფით გავიდა 8 მარტის შეთანხმებიდან და იგნორირება გაუკეთეს, როგორც საზოგადოებას, ასევე ფასილიტატორ ელჩებს.

„მიუხედავად წინა დღეების განმავლობაში არსებული უდიდესი სპეკულაციებისა, შევძელით, და იგივეს შევძლებთ მესამე მოსმენის დროსაც, მივიღებთ საქართველოს კონსტუტიციაში ცვლილებებს, რომელიც საზოგადოებრივი კონსესუსის თანახმად, ემსახურება დემოკრატიული ხარისხის გაუმჯობესებას. ცალსახად, გადაჭრით, ფაქტობრივ მტკიცებულებებზე დაყრდნობით შეიძლება ითქვას, რომ „ნაციონალური მოძრაობა“ თავისი ყველა განაყოფით, გავიდა 8 მარტის შეთანხმებიდან, აქედან გამომდინარე, მათ ეკისრებათ პასუხისმგებლობა პირველ რიგში, ქართული საზოგადოების წინაშე და ყველა ხელმომწერი მხარის წინაშე, რომლებიც 8 მარტის შეთანხმებას აწერდა ხელს, ასევე მათ იგნორირება გაუკეთეს ფასილიტატორი ელჩების მოწოდებას, რომ ყველა ხელმომწერ მხარეს მხარი დაეჭირა საკონსტიტუციო ცვლილებებისთვის. ეს ადამიანები არა საზოგადოებრივ დაკვეთას ასრულებენ, არამედ საკუთარ გეგმებზე ზრუნავენ“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს