ივანიშვილმა გამოივაჭრა მაჟორიტარები, რათა კვლავ შეძლოს ადგილების მიტაცება და გაიმყაროს ძალაუფლება, - ამის შესახებ „ევროპული საქართველოს" ერთ-ერთმა წევრმა, გიგი უგულავამ ჟურნალისტებთან საუბრისას განაცადა.

როგორც უგულავამ აღნიშნა,  „ევროპული საქართველოს“ პოზიცია უცვლელია. სანამ 8 მარტის შეთანხმება სრულად არ შესრულდება და ამ შემთხვევაში, გიორგი რურუა არ გათავისუფლდება, ოპოზიცია საკონსტიტუციო ცვლილებებს მხარს არ დაუჭერს.

„ჩვენ ვხედავთ, რომ მაჟორიტარული სისტემა არის უკვე ანაქრონიზმი და პრინციპში, ძველი თუ ახალი კონსტიტუციის მიხედვით, დროებითი მოვლენაა. ივანიშვილმა გამოივაჭრა 30 მაჟორიტარი იმისთვის, რომ კვლავ შეძლოს ადგილების მიტაცება და გაიმყაროს თავისი ძალაუფლება. სწორედ ეს არის ჩვენი ამოცანა, რომ მათ ამის საშუალება არ მივცეთ და არ უნდა დაიკარგოს ხმები.

გადამგდები და მატყუარა ივანიშვილისა და „ქართული ოცნების” პირობებში ყველაფერია მოსალოდნელი. ჩვენმა საზოგადოებამ და საერთაშორისო საზოგადოებამ იხილა ივანიშვილის სიტყვის ფასი. ამიტომ, ყველაფერია მოსალოდნელი. „ევროპული საქართველოს“ პოზიცია უცვლელია. სანამ 8 მარტის შეთანხმება სრულად არ შესრულდება და ამ შემთხვევაში, გიორგი რურუა არ გათავისუფლდება, ჩვენ საკონსტიტუცო განხილვებსა და და კენჭისყრაში მონაწილეობას არ მივიღებთ. კიდევ იმედს ვიტოვებთ, რომ გონს მოეგება „ქართული ოცნება“ და თუ ეს არ მოხდება, ჩვენი მხარდაჭერა საკონსტიტუციო ცვლილებებს არ ექნება“, - განაცხადა გიგი უგულავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს