გირჩის ლიდერი ზურაბ ჯაფარიძე წერს, რომ ის მხარს უჭერს ერთნაირსქესიანი ადამიანების ქორწინებას, ისევე, როგორც ერთნაირსქესიანთა ოჯახების მიერ შვილების აყვანის დაკანონებას.

როგორც ჯაფარიძე Facebook-ის საკუთარ გვერდზე წერს, ის ზოგადად, თვლის, რომ სახელმწიფოს საქმე საერთოდ არ არის, ვინ ვისთან ერთად შექმნის ოჯახს.

მისივე განმარტებით, თუკი არსებობს რეგისტრაციის უფლება, საიდანაც შემდეგ სხვა უფლებები გამომდინარეობს, ის უნდა არსებობდეს ყველასთვის, განურჩევლად ნებისმიერი ნიშნისა.

„მე მხარს ვუჭერ ერთნაირსქესიანთა ქორწინების, ისევე, როგორც ერთნაირსქესიანთა ოჯახების მიერ შვილების აყვანის დაკანონებას. შესაბამისად, ის ბოდვა ჩანაწერი ამოსაშლელია კონსტიტუციიდან [ქორწინების, როგორც ქალისა და კაცის ერთობის განსაზღვრება].

ქორწინებაში ვგულისხმობ ურთიერთობის სამოქალაქო რეგისტრაციას; რელიგიური რიტუალი კონკრეტული კონფესიის საქმეა.

ზოგადად, ვთვლი რომ სახელმწიფოს საქმე საერთოდ არ არის ვინ ვისთან ერთად ქმნის ოჯახს, მაგრამ თუ ასეთი (რეგისტრაციის) უფლება არსებობს, საიდანაც შემდეგ სხვა უფლებები გამომდინარეობს, ის უნდა არსებობდეს ყველასთვის, განურჩევლად ნებისმიერი ნიშნისა“, - წერს ზურაბ ჯაფარიძე.

შეგახსენებთ, რომ ეს დისკუსია მას შემდეგ წარმოიშვა, რაც პარტია „ლელოს“ ლიდერმა, მამუკა ხაზარაძემ, 6 ივნისს ლგბტქ+ ადამიანებზე საუბრისას განაცხადა, რომ „უმცირესობების უფლება ძალიან კარგად არის დაცული“. ხაზარაძემ ასევე თქვა, რომ ის ერთნაირსქესიანთა ქორწინების უფლების წინააღმდეგია და რომ „შვილი უნდა გაზარდოს დედამ და მამამ“.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს