არავინ არსად არ მიდის, - ასე გამოეხმაურა იუსტიციის მინისტრი, თეა წულუკიანი გავრცელებულ ინფორმაციას, თითქოს პრემიერ-მინისტრი გიორგი გახარია თანამდებობას ტოვებს.

როგორც წულუკიანმა აღნიშნა, სახელისუფლებო გუნდის მთავარი მიზანია, რომ გამჭვირვალედ დაამარცხოს ე.წ ფეიკ ნიუსების შემქმნელი ოპოზიცია და მედიასაშუალებები.

„მინდა გამოვეხმაურა ყალბ ინფორმაციებს, რომლებიც მრავლად ვრცელდება, ე.წ ფეიკ ნიუსი გახდა არა მხოლოდ საქართველოსი, არამედ მსოფლიოს ძველ დემოკრატიულ ქვეყნებშიც სერიოზული პრობლემა, რომელიც დემოკრატიას ემუქრება.

ბოლო დღეებში ჩვენ ვისმენდით ყალბ ინფორმაციას, თითქოს წულუკიანი მიდის საკონსტიტუციო სასამართლოში, ეს არის ფეიკ ნიუსი, შემდეგ ვრცელდებოდა ყალბი ინფორმაცია, თითქოს წულუკიანი მიდის პარლამენტის თავმჯდომარედ, ეს არის ყალბი ინფორმაცია, გუშინ კი, ვიხილეთ შექმნილი ახალი ყალბი ინფორმაცია, საქართველოს პრემიერ-მინისტრის გახარიას გადადგომასთან დაკავშირებით. ეს არის ყალბი ინფორმაცია, ანუ ე.წ ფეიკ ნიუსი. არავინ არსად არ მიდის.  გახარია არის პრემიერ-მინისტრი, რომელიც ჩვენს გუნდს მიიყვანს საბოლოო გამარჯვებამდე არჩევნებში. ჩვენ ყველანი ვრჩებით იქ, სადაც ამჟამად გვხედავთ და ვართ და ეს იქნება გუნდი, რომელიც დაამარხებს არა მხოლოდ პანდემიას, მოიტანს უფრო მეტ ევროპულ ინტეგრაციას, ეს იქნება სახელისუფლებო გუნდი, რომელიც მორიგჯერ გამჭვირვალე არჩევნებით დაამარცხებს სერიოზულ პრობლემას - რომელსაც ჰქვა ფეიკ ნიუსების შემქმნელი ოპოზიცია და მათი მედიასაშუალებები“, - განაცხადა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს