„ჩვენ გვაქვს ევროპის ბევრ განვითარებულ ქვეყანასთან შედარებით დაბალი მაჩვენებელი ერთ სულ მოსახლეზე სარჩელების რაოდენობით და ვფიქრობ, რომ ეს ნამდვილად კარგი ინდიკატორია იმისა, რომ იმ რეფორმებმა, რაც 2012 წლიდან დავიწყეთ, კარგი შედეგი მოგვცა“,- ასე აფასებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ადამიანის უფლებათა ევროპული სასამართლოს მიერ საქართველოს მიმართ გამოტანილი გადაწყვეტილებების/განჩინების აღსრულების შესახებ 2019 წლის ანგარიშს.

მისი თქმით, „ქართული ოცნების“ ხელისუფლება კიდევ ბევრს გააკეთებს იმისთვის, რომ  არსებული ვითარება მომავალშიც გაუმჯობესდეს.

„ის სტატისტიკა, რომელიც თქვენ მოიტანეთ და რომელიც არის ფაქტი, ამ ფაქტს ვერც ჩვენი ოპონენტები წაუვლენ ვერსად, ვერც მათი მხარდამჭერები. საზოგადოებამ ყველაზე კარგად იცის, მან  ყველაზე კარგად იწვნია თავის თავზე რეჟიმი, რომელიც ადამიანის ღირსებას ფეხქვეშ თელავდა და ამით მგონი, ყველაფერია ნათქვამი",- განაცხადა სოფო კილაძემ იურიდიულ საკითხთა კომიტეტის სხდომაზე.

მან ხაზგასმით აღნიშნა, რომ ამის მიუხედავად,  მმართველ გუნდს არ აქვს თვითკმაყოფილების უფლება, რადგან ადამიანის უფლებათა სფერო ის მიმართულებაა, რომელსაც მუდმივი მუშაობა სჭირდება.

„ადამიანის უფლებების სფერო ისეთი სფეროა, სადაც გამუდმებით, 24 საათის მანძილზე უნდა ვიმუშაოთ იმისთვის, რომ იდეალურ შემთხვევაში, არცერთი სარჩელი არ წავიდეს ქვეყნიდან არა იმიტომ, რომ ვთქვათ, ვინმეს შეეშინდეს სარჩელის შეტანა, არამედ იმიტომ, რომ რეალურად, საფუძველი არ ჰქონდეს ადამიანებს რომ ეს წავიდეს. მესმის, რომ ეს იდეალური ვარიანტია და ასეთი ქვეყანა დღესდღეობით არ არსებობს, მაგრამ ჩვენი ამოცანაა, რომ ამ იდეალისკენ მივისწრაფოდეთ, რომ არცერთი ადამიანი არ იყოს დაჩაგრული ამ ქვეყანაში და ყველა ადამიანს ჰქონდეს განვითარების თანაბარი შანსები. მგონია, რომ „ქართული ოცნების" ხელისუფლება კიდევ ბევრს გააკეთებს იმისთვის მომავალშიც, რომ ჩვენ ასეთი სიტუაციასთან ბოლომდე თუ არა, მიახლოებულები მაინც ვიყოთ“,- განაცხადა კილაძემ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს