"დელტას" დირექტორი უჩა ძოძუაშვილი იმ მიზეზებს განმარტავს,  რის გამოც სეტყვის საწინააღმდეგო მოწყობილობამ კახეთის ტერიტორიაზე წუხელ  ვერ იმოქმედა.

როგორც ძოძუაშვილმა აღნიშნა, კახეთის ტერიტორიაზე წუხელ ჩამოყალიბებული მარცვლების ღრუბლები შემოვიდა და მათი დაშლა შეუძლებელია.

ამასთან, ძოძუაშვილის თქმით, რომ არა სეტყვის საწინააღმდეგო დანადგარი, ზარალი გაცილებით მეტი იქნებოდა. მისივე მტკიცებით, სეტყვის საწინააღმდეგო მოწყობილობის მეშვეობით, კახეთის ტერიტორიაზე სეტყვა  30-ზე მეტჯერ  აიცილეს თავიდან.

" თითქმის 50 მილიმეტრიანი მარცვლები  შემოვიდა კახეთის ტერიტორიაზე, მათი ფიზიკური დაშლა შეუძლებელია.თუმცა, ამ პროცესის შესარბილებლად ჩვენ მაქსიმალური გავაკეთეთ და მივაღწიეთ იმას, რომ არ მოხდა ზომაში ამ მარცვლების მნიშვნელოვანი ზრდა",-განაცხადა უჩა ძოძუაშვილმა.

შეგახსენებთ, სტიქიამ კახეთის რამდენიმე რაიონი დააზარალა.

ყვარელში სეტყვის შედეგად საკარმიდამო მიწის ნაკვეთები და მოსავალი განადგურდა.

სეტყვას თან ძლიერი ქარიც დაერთო, რის გამოც სოფელ სანავარდოში საცხოვრებელ სახლებს სახურავები გადახადა, მოგლეჯილია ხეებიც.

სტიქიის შედეგად, ასევე დაზარალდა სოფელი ჯოყოლო. დაიხოცა შინაური ფრინველი და მოსავალი განადგურდა.

სეტყვასაწინააღმდეგო სისტემა  მიმდინარე წელს სახელმწიფო სამხედრო-სამეცნიერო ტექნიკურმა ცენტრმა „დელტამ" შექმნა.

დანადგარმა სასოფლო-სამეურნეო ნაკვეთებში სეტყვისაგან მიყენებული ზარალი 80-90%-ით უნდა შეამციროს.

სეტყვასაწინააღმდეგო სისტემის შექმნა კახეთის რეგიონში სასოფლო-სამეურნეო ნაკვეთებში სეტყვისგან მიყენებული ზარალის შემცირებას ისახავს მიზნად. 

რადარი სოფელ ნუკრიანში, ჭოტორის მთაზეა განთავსებული, საიდანაც 83 საცეცხლე წერტილი იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის