2020-05-18 09:49:50, 1409 ნახვა
სამართალი
დღეს გიორგი რურუას სასამართლო პროცესი გაიმართება
დღეს „მთავარი არხის“ ერთ-ერთი მეწილის, გიორგი რურუას სასამართლო პროცესი გაიმართება.
სხდომა თბილისის საქალაქო სასამართლოში 10:00 საათზეა დანიშნული, რომელიც ბრალდების მხარის მოწმეების დაკითხვით განახლდება.
სასამართლო სხდომაზე დღეს გიორგი რურუას ადვოკატები მისი გათავისუფლების შუამდგომლობას დააყენებენ.
შეგახსნებთ, რომ გიორგი რურუა სამართალდამცავებმა 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. მას აღკვეთის ღონისძიების სახით პატიმრობა აქვს შეფარდებული.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
