2020-05-03 12:48:56, 8194 ნახვა
ომი უკრაინაში
თბილისის ზღვის ჰოსპიტალში 31 პაციენტის ტესტის პასუხი მიიღეს - არც ერთს არ დაუდასტურდა კორონავირუსი
თბილისის ზღვის ჰოსპიტალის კლინიკური დირექტორის, კახაბერ ბეროზაშვილის განცხადებით, კლინიკაში 31 პაციენტის ტესტის პასუხი მიიღეს და არც ერთს არ დაუდასტურდა კორონავირუსი.
მანვე აღნიშნა, რომ კლინიკაში ორი პაციენტი მართვით სუნთქვაზეა, რაც განპირობებულია თანმხლები დაავადებით.
„ჩვენს კლინიკაში ამ წუთისთვის არის 53 პაციენტი. აქედან მიღებულია 31 პაციენტის პასუხი, რომელთაგანაც ყველა უარყოფითია. ახლა იწყება პაციენტების გადაყვანა და გაშვება სახლში, თვითიზოლაციაში.
პაციენტების უმეტესობა არის საშუალო და მსუბუქი სიმძიმის. რამდენიმე პაციენტია რეანიმაციულ განყოფილებაში. ორი პაციენტია მართვით სუნთქვაზე, ესეც განპირობებულია თანმხლები დაავადების გართულებებით", - განაცხადა კახაბერ ბეროზაშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
