2020-04-18 10:02:36, 1329 ნახვა

---

მარნეულისა და ჰუჯაბის ეპისკოპოსი გიორგი უკანონო ბორდერიზაციაზე - რუსეთი ვერ ცხრება ჩვენი მიწების მიტაცებითა და უკანონო საზღვრების გავლებით

მარნეულისა და ჰუჯაბის ეპისკოპოსი გიორგი, რუსეთის მიერ განხორცირელებულ უკანონო ბორდერიზაციის პროცესს გამოემხაურა.

ეპისკოპოსი სოციალურ ქსელში წერს, რომ წითელ პარასკევსაც კი, როდესაც მთელი მსოფლიო ერთმანეთის მიმართ სოლიდარულია, რუსეთი ვერ ცხრება ჩვენი მიწების მიტაცებითა და უკანონო საზღვრების გავლებით.

„ვაი, ამ ჩვენი მიწითა და სისხლით გაუმაძღარ ერთმორწმუნე რუსეთს, რომელიც საყოველთაო პანდემიის დროს, მაცხოვრის ჯვარცმის დღეს, წითელ პარასკევსაც კი, როდესაც მთელი მსოფლიო ერთმანეთის მიმართ სოლიდარულია, ვერ ცხრება ჩვენი მიწების მიტაცებითა და უკანონო საზღვრების გავლებით”, - წერს სოციალურ ქსელში მარნეულისა და ჰუჯაბის ეპისკოპოსი გიორგი.

შეგახსენებთ, რომ გუშინ ქარელის მუნიციპალიტეტის სოფელ ტახტისძირის მიმდებარედ საოკუპაციო ძალებმა უკანონო ბორდერიზაცია განახორციელეს, რის შედეგადაც მოსახლებას სასოფლო-სამეურნეო მიწებზე წვდომა შეეზღუდათ.

     

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი