მთავრობის გადაწყვეტილებით, ხვალიდან ქვეყანაში სრულად იკრძალება მსუბუქი ავტომობილით გადაადგილება

2020-04-16 21:03:20, 19449 ნახვა

კომენტარი

პრემიერ-მინისტრის პრესსპიკერის ირაკლი ჩიქოვანის განცხადებით, ხვალ, 12:00 საათიდან ქვეყანაში სრულად იკრძალება მსუბუქი ავტომობილებით გადაადგილება.

"ვიღებთ გადაწყვეტილებას, დაწესებული ზომების უფრო გამკაცრების შესახებ.

ხვალ დღის 12:00 საათიდან, საგანგებო მდგომარეობის მოქმედების ვადით, ქვეყანაში 21 აპრილის ჩათვლით, სრულად იკრძალება მსუბუქი ავტომობილებით გადაადგილება. მინდა დავაზუსტო, რომ შეზღუდვა არ ვრცელდება ტვირთების გადატანასა და დისტრიბუციის მანქანებზე. ხაზგასმით აღვნიშნავ, რომ სასურსათო მაღაზიები, აფთიაქები და ყველა სხვა ობიექტი, რომელიც აქამდე მუშაობდა, ჩვეულებრივ რეჟიმში გააგრძელებს მუშოაბას", - განაცხადა ირაკლი ჩიქოვანმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან