ეროვნული ბანკის პრეზიდენტმა გიორგი ქადაგიძემ ჟურნალისტებს ის ღონისძიებები გააცნო, რომელიც მისი შეფასებით შემოდგომაზე ლარის კურსზე ნაკლებ ზეწოლას უზრუნველყოფს. 
ქადაგიძის თქმით, ეს არის რიგი კომპლექსური ღონისძიებები, რომელიც მთავრობამ უნდა გაატაროს. 
„პირველ რიგში მთავრობამ არამხოლოდ უნდა უზრუნველყოს თანაბარი ხარჯვა, არამედ ღიად, საჯაროდ დააფიქსიროს მზაობა იმის შესახებ, რომ თუკი იქნება დამატებითი ზეწოლა კურსზე გაუფასურების მიმართულებით იგი მზად არის კიდევ უფრო შეამციროს ბიუჯეტის მიმდინაე ხარჯები. მეორე უნდა იქნას წარმოდენილი ძალიან კონკრეტული გეგმა, გაწერილი თარიღებით იმ დამატებითი შემოსავლების შესახებ,რომელსაც მთავრობა ელოდება“,-განაცხადა ქადაგიძემ. 
ამასთან, როგორც ქადაგიძემ აღნიშნა, უკვე რამდენიმე თვეა გვიანდება სავალუტო ფონდის პროგრამის მეორე მიმოხილვის  დაწყება. 
„რაც არის უაღრესად უარყოფითი სიგნალი ინვესტორებისთვის. ამიტომ ძალიან მნიშვნელოვანია, რომ მოხდეს სავალუტო  ფონდის პროგრამის მიმოხილვის დაწყება, სადაც დეტალურად გაიწერება მაკროეკონომიკური ინდიკატორები, რომლებზეც აიგება როგორც ფისკალური, ასევე მონეტარული პოლიტიკა“,-განაცხადა ქადაგიძემ. 
ასევე, როგორც  ეროვნული ბანკის პრეზიდენტმა  აღნიშნა,  საერთაშორისო ორგანიზაციები რეზერვების ხარჯვასთან დაკავშირებით ეროვნული ბანკის მიერ გატარებული პოლიტიკით კმაყოფილია, თუმცა მისივე თქმით მთავრობის პოზიცია ამ კუთხით განსხვავებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა