დედაქალაქის მერი კახა კალაძე თბილისის საკრებულოს ორგანიზებით მიმდინარე სოციალურად დაუცველი მრავალშვილიანი ოჯახების დახმარების აქციას გაეცნო. 300-ზე მეტი მრავალშვილიანი ოჯახისთვის  განკუთვნილი საკვები პროდუქტები და პირველადი მოხმარების ნივთები საკრებულოს  კომპანია „გრინლაიფმა“ (150 ნობათი), კომპანია „სოლო დეველოპმენტმა“ (100 ნობათი) და აუდიტის სამსახურმა  (60 ნობათი) გადასცეს. 

პროდუქციის მიღებისა და დახარისხების პროცესს კახა კალაძე  მერის მოადგილე ილია ელოშვილთან და საკრებულოს თავმჯდომარე გიორგი ტყემალაძესთან ერთად დაესწრო. თბილისის მერმა დახმარების აქციებში ჩართულ ყველა კომპანიას, ორგანიზაციებს და თითოეულ მოქალაქეს მადლობა გადაუხადა.

„ჩვენს აქტივობებს ვაგრძელებთ და ვეხმარებით იმ ოჯახებს, რომელთაც უჭირთ და ყველაზე მეტად დაზარალდნენ არსებული მდგომარეობით. საკრებულოს ინიციატივით, ამ კონკრეტულ შემთხვევაში აქცენტი კეთდება სოციალურად დაუცველ მრავალშვილიან ოჯახებზე. დაახლოებით, 1200 ასეთი ოჯახია და მათ უკლებლივ ყველას გადაეცემა პროდუქტები. პროექტი გაგრძელდება შემდეგ დღეებშიც. მინდა,  ყველა კომპანიას, ვინც ჩართულია ამ პროგრამაში, მადლობა გადავუხადო. ასევე, რიგით მოქალაქეებს, რომლებსაც  ძალიან დიდი წვლილი შეაქვთ ადამიანების დახმარების საქმეში“, - განაცხადა კახა კალაძემ.

თბილისის საკრებულომ სოციალურად დაუცველი მრავალშვილიანი ოჯახების დახმარების კამპანია 29 მარტს დაიწყო და დღეის მდგომარეობით, საკვები პროდუქტები და პირველადი მოხმარების ნივთები ათასამდე ოჯახს გადასცა.

სოციალურად დაუცველი მრავალშვილიანი ოჯახების დახმარების აქციაში თბილისის საკრებულოს უმრავლესობის ლიდერი ბექა დავითულიანი და სხვა დეპუტატები  მონაწილეობდნენ.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს