ჩვენი საერთაშორისო პარტნიორების განცხადება არის ძალიან მკაფიო და მტკიცე გზავნილი, რომ საქართველო ამ პრობლემებთან გამკლავებაში მარტო არ დარჩება, - ამის შესახებ პრემიერის მრჩეველმა საერთაშორისო საკითხებში ირაკლი ჩიქოვანმა განაცხადა.

როგორც მან აღნიშნა, საქართველოს ხელისუფლების და მთლიანად მმართველი პოლიტიკური გუნდის ამოცანას წარმოადგენს, არა მხოლოდ COVID 19-თან გამკლავება და ჩვენი მოქალაქეების ჯანმრთელობის და სიცოცხლის შენარჩუნება, არამედ COVID 19-ის  პანდემიის შემდგომ პერიოდში, ეკონომიკური განვითარების უზრუნველყოფა

მისი თქმით, მთავრობა აქტიურად მუშაობს პარტნიორ სახელმწიფოებთან, პარტნიორ საერთაშორისო და საფინანსო ორგანიზაციებთან, რომ მაქსიმალურად შემსუბუქდეს ის ზეწოლა და დარტყმა, რაც შესაძლოა ქართულმა ეკონომიკამ მიიღოს.

„რა თქმა უნდა მივესალმებით იმ განცხადებას, რომელიც ჩვენი საერთაშორისო პარტნიორების მხრიდან გაკეთდა.  ეს არის ძალიან მკაფიო და მტკიცე გზავნილი, რომ საქართველო ამ პრობლემებთან გამკლავებაში არ დარჩება მარტო და ჩვენ, მივიღებთ დახმარებას და ვიმუშავებთ ევროპელ პარტნიორებთან, არა მხოლოდ უშუალოდ და კონკრეტულად COVID 19-ის წინააღმდეგ ღონისძიებების განსახორციელებლად, არამედ იმისთვის, რომ მას შემდეგ, რაც პანდემია დასრულდება, ძალიან სწრაფად შევძლოთ, განვითარების დინამიკა შევინარჩუნოთ ქართულ ეკონომიკაში, რაც შეიძლება უკეთ და სწრაფად გავზარდოთ ქართული ეკონომიკა და რაც შეიძლება ნაკლებად იგრძნონ ჩვენმა თანამოქალაქეებმა ის ეკონომიკური პრობლემები, რომელიც შესაძლოა COVID 19-ის პანდემიას მოჰყვეს“, - განაცხადა ირაკლი ჩიქოვანმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს