თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, ინფექციურ საავადმყოფოში კორონავირუსით ინფიცირებული ერთი-ერთი პაციენტის მდგომარეობა ისევ კრიტიკულია.

მისი თქმით, 60 წელს გადაცილებულ ყველა პაციენტს პნევმონია აღენიშნება.

„ამ ეტაპზე ჩვენთან წევს 38 პაციენტი და გაწერილი გვყავს უკვე 29 პაციენტი. ამ 38 პაციენტიდან 60 წელზე მეტი, ყველას პნევმონია აქვს. ამ პნევმონიებს შორის ერთი გვყავს კრიტიკული, რომლის სტაბილიზირება ვერ არის ჯერჯერობით მიღებული. გვყავდა 4 მძიმე პაციენტი, რომელთა მდგომარეობის სტაბილიზაცია უკვე შესაძლებელი გახდა და უკვე სტაბილურია. გუშინ შემოსული პაციენტებიდან დაგვემატა 2 მძიმე პნევმონია. დანარჩენი ამ პაციენტებში, 22 არის საშუალო სიმძიმის პნევმონია, თუმცა დღევანდელი შეფასებით, შესაძლოა მოხდეს დაავადების პროგრესირება და გახდეს მძიმე, მაგრამ ჩვენ ვიმედოვნებთ, რომ ეს ასე არ მოხდება“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა