საქართველოს მთელ ტერიტორიაზე კარანტინის გამოცხადების შემდეგ დაწესებულ შეზღუდვებს, მთელი ქვეყნის მასშტაბით 24-საათიან საგანგებო რეჟიმში თავდაცვის ძალები, შინაგან საქმეთა სამინისტროსთან ერთად, აკონტროლებს, - აღნიშნულის შესახებ "ექსპრესნიუსს" თავდაცვის სამინისტროდან აცნობეს.

უწყების ინფორმაციით, მთელი ღამის განმავლობაში საკონტროლო გამშვები პუნქტები მოეწყო თბილისში, რუსთავში, გორში, ბათუმში, ქუთაისში, ფოთსა და ზუგდიდში. ასევე პატრულირება დაიწყო თავდაცვის ძალების მობილურმა ჯგუფებმა. თბილისის, რუსთავისა და გორის საკონტროლო გამშვებ პუნქტებს თავდაცვის ძალების აღმოსავლეთ სარდლობის სამხედრო მოსამსახურეები აკონტროლებენ. ბათუმის, ქუთაისის, ფოთისა და ზუგდიდის საკონტროლო გამშვებ პუნქტებთან კი, დასავლეთ სარდლობის პირადი შემადგენლობაა მობილიზებული.

"საკონტროლო გამშვებ პუნქტებზე თავდაცვის ძალების წარმომადგენლები საგანგებო მდგომარეობის გამკაცრებული პირობების მიხედვით ახორციელებენ მოქალაქეთა გადაადგილების კონტროლს. ადგილზე გაშლილია საველე კარვები, სადაც თავდაცვის ძალების სამედიცინო პერსონალი მოქალაქეების ჯანმრთელობის მდგომარეობის შემოწმებასა და პირველად თერმოსკრინინგს აწარმოებს. საკონტროლო გამშვებ პუნქტებთან მობილიზებული სპეციალური ტექნიკა კი, ტერიტორიაზე შემავალი და გამომავალი ავტოტრანსპორტის სადეზინფექციო ხსნარით დამუშავებას უზრუნველყოფს", - აღნიშნულია უწყების მიერ გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს