„გავუფრთხილდეთ ერთმანეთს და მთავარია ღმერთს არ დავშორდეთ, ასეთი განსაცდელები არ არის შემთხვევითი“, - ამის შესახებ პატრიარქის მოსაყდრემ, მეუფე შიომ განაცხადა.

მისი თქმით, ყველანაირად უნდა ვეცადოთ და დავიცვათ ის რჩევები, რასაც ჯანდაცვის სფეროს წარმომადგენლები გვაძლევენ, რათა არ მოხდეს ვირუსის გადადება.

„უნდა ვეცადოთ ყველანაირად დავიცვათ ის რჩევები, რასაც ჯანდაცვის სფეროს წარმომადგენლები გვაძლევენ, ეს აუცილებელია იმისთვის, რომ არ მოხდეს გადადება. გავუფრთხილდეთ ერთმანეთს და მთავარია ღმერთს არ დავშორდეთ, ასეთი განსაცდელები არ არის შემთხვევითი.

ეს არის პირველ რიგში განდგომა უფლისაგან, დავიწყება ღმრთისა, ღმერთის მცნებებისა, მისი ღირებულებებისა, ქრისტიანული ღირებულებებისა, ეს იქნება განათლების სფეროში, ეს იქნება ჩვენს სოციალურ სფეროში, ცხოვრებაში. პირდაპირ ასახელებენ ეს დიდი მოღვაწეები და ჩვენ მით უმეტეს გვმართებს, ვისაუბროთ ამაზე. ეს არის ერის ცოდვები, როგორიც არის ჩვილთა მკვლელობა, აბორტები, როგორიც არის სოდომიის გამოცხადება ნორმალურ მდგომარეობად და ა.შ. და ა.შ. ხომ არ არის დრო დავფიქრდეთ, ეს ხომ არ არის მიზეზი ასეთი ტოტალური გავრცელებისა ამ ვირუსისა“, - განაცხადა მეუფე შიომ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს