ბიზნესის ინტერესები დაცული უნდა იყოს, თუმცა დაცული უნდა იყოს საზოგადოების ინტერესებიც, - ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა.

მინისტრის თქმით, ფასების სპეკულაციური ზრდა განსაკუთრებით რეგიონებში დაფიქსირდა, მაგრამ მექანიზმი, რომელიც მთავრობამ შეიმუშავა და რომელიც სავალუტო კურსის სხვაობის სუბსიდირებას გულისხმობს, რამდენიმე დღეში სიტუაციას დაარეგულირებს.

„ყველა ვთანხმდებით, რომ ახალი კორონავირუსი ძალიან რთული გამოწვევაა მთელი მსოფლიოსთვის და, მათ შორის, ჩვენი ქვეყნისთვის. ყველანი უნდა ვიყოთ მაქსიმალურად პასუხისმგებლიანები; პასუხისმგებლობა მოეთხოვება ბიზნესსექტორს. მადლობას ვუხდი იმ კომპანიებს, რომლებმაც ეს პასუხისმგებლობა გამოიჩინეს და ასეთი ძალიან ბევრია. ეს კომპანიები მხარში დაგვიდგნენ - შეიქმნა მარაგები, რომ კრიტიკულ სიტუაციაში დაზღვეულები ვიყოთ. პარალელურად, ჩვენ ვნახეთ კომპანიების ქმედება, რომელიც, ვფიქრობ, მიუღებელია და ყოვლად დაუშვებელია ასეთ კრიტიკულ სიტუაციაში, პრაქტიკულად, საომარ პირობებში. ჩვენ ვახორციელებთ მომარაგების და ფასების მუდმივ მონიტორინგს; შემოსავლების სამსახურთან და ფინანსთა სამინისტროსთან ერთად ვმუშაობთ, რომ არასწორ ქმედებებზე გვქონდეს რეაგირება. ძალიან მნიშვნელოვანია და, შესაბამისად, ყოველდღიური დიალოგი გვაქვს ბიზნესსექტორის წარმომადგენლებთან. მათი ინტერესები, რა თქმა უნდა, დაცული უნდა იყოს, თუმცა დაცული უნდა იყოს საზოგადოების ინტერესებიც. განსაკუთრებით რეგიონებში დაფიქსირდა ფასების სპეკულაციური ზრდა, მაგრამ მექანიზმი, რომელიც მთავრობამ შეიმუშავა და რომელიც სავალუტო კურსის სხვაობის სუბსიდირებას გულისხმობს, ვფიქრობ, რომ რამდენიმე დღეში სიტუაციას დაარეგულირებს. ერთეული შემთხვევები კიდევ იქნება; ჩვენ გვაქვს ინფორმაცია, რომ გაძვირდა გარკვეული პროდუქცია, არ ვართ მოწყვეტილები რეალობას და, შესაბამისად, ვმუშაობთ სხვადასხვა მიმართულებით მოსახლეობის ინტერესების დასაცავად“, - განაცხადა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს