საქართველოს საპატრიარქოს საზოგადოებასთან ურთიერთობის სამსახურის ინფორმაციით, მეუფე გერასიმემ უკრაინაში მებრძოლი ზაალ ლატარიას გარდაცვლილი შვილის, ლანა ლატარიას "სულის საოხად პანაშვიდი აღავლინა."

"ამა წლის 5 აგვისტოს ზუგდიდისა და ცაიშის მიტროპოლიტი გერასიმე ეპარქიის სამღვდელოებასთან ერთად იმყოფებოდა ლანა ლატარიას სახლში, მის ოჯახს მიუსამძიმრა და გარდაცვლილის სულის საოხად პანაშვიდი აღავლინა.

ზუგდიდისა და ცაიშის ეპარქია საზოგადოებას სთხოვს, რომ თავი შეიკავოს კომენტარებისაგან და ვილოცოთ ლანა ლატარიას სულის ცხონებისთვის." - წერს საპატრიარქო.

რამდენიმე დღის წინ, უკრაინაში მებრძოლმა ზაალ ლატარიამ სოციალურ ქსელში დაწერა, რომ გარდაცვლილი შვილის, ლანა ლატარიას ეკლესიაში დასვენებაზე უარი უთხრეს. გავრცელებული ცნობით, 26 წლის გოგოს წესი აუგეს.

უარის თქმის მიზეზს სოციალურ ქსელში დღემდე განიხილავენ და ლატარიას უკრაინაში ბრძოლასაც უკავშირებენ, თუმცა როგორც ზუგდიდისა და ცაიშის ეპარქია რადიო თავისუფლებასთან განმარტავს, საბაბი ქალის გარდაცვალების მიზეზი გახდა.

ზემოთხსენებულ ფაქტს საპატრიარქოს საზოგადოებასთან ურთიერთობის ხელმძღვანელი, მამა ანდრია გამოეხმაურა და განაცხადა, რომ არასდროს ეკლესიას უკრაინაში მებრძოლი ადამიანისთვის "შემზღუდავი ნორმა" არ დაუდგენია.

"სიმართლე გაცხადდება და თავად ამხელს მათ, ვინც სცადა, ეს უბედური და სამწუხარო, მგრძნობიარე ამბავი ეკლესიის დასაკნინებლად გამოეყენებინა." - ამბობს დეკანოზი ფორმულასთან.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

WP: ტრამპმა რესპუბლიკელ დონორებს უთხრა, რომ ვენსი მის მემკვიდრედ სურს

ლაიფციგში დრონის ინციდენტი: უკრაინულ თვითმფრინავს საბრძოლო მასალა გადაჰქონდა

აშშ-ის ფედერალური გამოძიების ბიუროს დირექტორი ჩინეთთან და რუსეთთან უპრეცედენტო კავშირებს ამყარებს

პროკურატურა - სანიტარს, რომელმაც ახალშობილი შვილი მოკლა, 4 წლით პატიმრობა მიესაჯა