Le Parisien-ის ცნობით, საფრანგეთის ქალაქ შამპინი-სიურ-მარნის პოლიციამ ნარკოტიკებით ვაჭრობის გამოძიების ფარგლებში ჩატარებული ჩხრეკის დროს პიკასოს ავთენტური ნახატი აღმოაჩინა. 15 ივნისს, ნარკოტიკებით ვაჭრობის გამოძიების ფარგლებში, სამართალდამცავებმა ვალ-დე-მარნის დეპარტამენტში მდებარე სახლში ჩხრეკა ჩაატარეს და აღმოაჩინეს არა მხოლოდ დიდი რაოდენობით კანაფი, დიზაინერული ნივთები და ნაღდი ფული, არამედ მოპარული ხელოვნების ნიმუშებიც, რომლებიც ადრე პარიზის საწყობიდან იყო მოპარული.

პროკურატურის ცნობით, ამ საქმესთან დაკავშირებით ოთხი პირი სასამართლოში წარდგა. ერთ-ერთი ეჭვმიტანილი, რომელიც სავარაუდოდ ძვირფასი ნივთების საწყობის თანამშრომელია, შესაძლოა, სისტემატურად იპარავდა ძვირფას ნივთებს, მათ შორის აღმოჩენილ ნახატს.

სადავო პორტრეტი პიკასოს 1937 წლის სერიიდანაა, რომელიც მარი-ტერეზ ვალტერისადმია მიძღვნილი. ნამუშევრის ღირებულება, სავარაუდოდ, 12-დან 15 მილიონ ევრომდე მერყეობს.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი